Samkvæmt tillögu Flóttamannanefndar eru 55 sýrlenskir flóttamenn á leið til landsins. Þeir munu koma hingað til lands úr flóttamannabúðum í Líbanon.
Hafa fjölmiðlar í dag greint frá stöðu þeirra. Hefur komið fram að í hópnum séu verkfræðingur, málari, þýðandi, pípulagningarmaður, rafvirki, verkamenn, barþjónn og húsmæður. 50% flóttamannanna fara til Akureyrar en fjórðungur til Hafnarfjarðar og fjórðungur fer í Kópavog.
Rætt var um tíma að taka á móti a.m.k. 70 flóttamönnum.
Um tíma þegar Kæra Eygló átakið stóð yfir á facebook höfðu landsmenn boðist til að bjarga um 10.000 manns.
Ekki liggur fyrir hvort þessir 55 munu allir þiggja boðið.
