Framleiðni á Íslandi er fimmtungi minni en í nágrannaríkinu Noregi, eða álíka m,ikill og launamunurinn á milli þessara landa. Þetta kemur fram í nýjum pistli Margrétar Kristmannsdóttur framkvæmdastjóra á hringbraut.is, en þar veltir hún því fyrir sér hvort Íslendingar skilji almennt ekki þýðingu þessa orðs.
Í pistlinum segir Margrét: "Ég hef undanfarið spurt ólíklegasta fólk hvað raunverulega sé átt við þegar talað er um að auka framleiðni og hafa svörin verið æði misjöfn. Auka afkastagetu – bæta menntun - fjárfesta í öflugri vélum - fækka fermetrum voru dæmi um svör. Sumum vafðist hins vegar tunga um tönn."
Og Margrét undrast það að fyrst betri lífskjör landsmanna byggist á aukinni framleiðni sé býsna skrýtuð að ekki sé til listi yfir t.d. 10 til 30 mikilvægustu atriðin til að auka framleiðni hér á landi. "Afhverju er ekki til leiðarljós til að vinna eftir - leiðarljós á mannamáli," spyr Margrét í lok pistils síns og telur nær að tala um afköst en framleiðni, ef nota eigi mannamál.
20% lakari framleiðni en í noregi
Fleiri fréttir
Forsíða
Umboðsmaður krefur Bjarna svara
Forsíða
Hringbraut í loftið á ný
Nýjast
