Átján ára piltur lést í umferðarslysi við bæinn Einarsstaði í Kræklingahlíð, skammt norðan Akureyrar, síðdegis í gær.
Frá þessu greinir Morgunblaðið.
Pilturinn var fluttur á Sjúkrahúsið á Akureyri en var úrskurðaður látinn við komuna þangað. Lögreglan vinnur að rannsókn málsins en um var að ræða árekstur vöruflutningabifreiðar og fólksbíls, að því er fram kemur í Morgunblaðinu.
Ökumaður fólksbílsins lést og var einn í bílnum.
Þrír voru í vöruflutningabifreiðinni og voru þeir einnig fluttir á Sjúkrahúsið á Akureyri, en meiðsl þeirra eru ekki alvarleg.
