Breyta þarf ýmsu kvótakerfinu en það þarf engar byltingar, segir Sigurður Ingi jóhannsson, fomaður Framsóknarflokksins og Samgöngu-og sveitarstjórarráðherra í samtali við Lindu Blöndal í þættinu 21 í kvöld þar sem rætt er um Samherjamálið og í ljósi þess að kvótakerfið er talið jarðvegur fyrir stór útvegsfyrirtæki til að hagnast um milljarða og fara þá í vafasöm viðskipti í útlöndum. Sigurður Ingi var áður sjávarútvegsráðherra.
Bjarni Benediktsson, fjármálaráðherra segir að þau þök sem sett eru á útgerðarfyrirtæki um eignarhald á veiðiheimildum séu reglur sem hafi gagnast vel.
Sigurður Ingi telur aftur á móti að gera þurfi bætur í fiskveiðistjórnunarkerfinu. Hann hélt ræðu á haustfundi miðstjórnar Framsóknarflokksins um helgina. Þar sagði hann m.a.: “Kvótakerfið var ekki búið til svo nokkrir einstaklingar gætu orðið ofurríkir”
Þetta gerðist samt, hvers vegna?
„Þökin sem sem voru sett held ég að enginn hafi séð fyrir sér að þau yrðu truflun í sjálfu sér“.
„Svo urðu til fá fyrirtæki sem urðu mjög stór og nokkur farin að banka upp í hámarksþakið“, segir Sigurður um hvers vegna það urðu til mjög stór útvegsfyriræki. En ennfremur að kerfið sé mjög gott en að „stilla verði af skrúfurnar“.
„Skilgreiningar á tengdum aðilum hefur verið of óljóst í lögum“, aðspurður um t.d. hlutdeild Samherja sem á hlut í Síldarvinnslunni og þá komið fyrir þak yfir löglega eign á kvóta. \"Lögin eru óskýr“, segir Sigurður Ingi og er þar með ósammála Bjarna Benediktssyni í sömu ríkisstjórn enda Bjarni á þeirri skoðun að lög og reglur í dag séu nægar til að halda dreifðu eignarhaldi innan sjávarútvegsins.
Sigurður Ingi segir ennfremur í þættinum að frumvarp um breytingar á stjórnarskrá verði lagt fram í síðasta lagi næsta haust. Stjórnarflokkarnir séu samstíga um að setja ákvæði um auðlindir í þjóðareigu í stjórnarskrána.
Verður þá þetta ákvæði sett inn í frumvarpi af hálfu ríkisstjórnarinnar núna?
“Við skulum vona það”