Þór Sarri, fyrrum þingmaður, segir að Hannes Hólmsteinn Gissurarson, prófessor við HÍ og einn helsti hugmyndafræðingur Sjálfstæðisflokksins, hafi einn Íslendinga verið með ríkisábyrgð á kreditkorti sínu.
Þetta kemur fram í ummælum sem Þór lætur falla á facebook.
“Þegar ég var ráðinn til Lánasýslu ríkisins hér um árið til að koma skikki á ríkisábyrgðir á lánum sem voru að hluta sveipaðar hulu, kom í ljós að Hannes var með ríkisábyrgð á kreditkortinu sínu, einn íslendinga,” skrifar Þór.
Hringbraut hefur sent Hannesi Hólmsteini fyrirspurn þar sem falast er eftir viðbrögðum, hvort hann staðfesti orð Þórs.
Þór lét ummælin sín falla vegna pistils á Hringbraut um samtryggingu þeirra sem gagnrýna ríkisafskipti og ríkisítök en njóta þó launa og greiðslna sjálfir frá hinu sama ríki og þeir gagnrýna.
Í kjölfar ummæla Þórs Saari sem virðast alvarleg hefur verið spurt hvort hann kunni að vera að grínast. Þór harðneitar því og bendir á að um þetta hafi verið fjallað: \"Nei þetta er ekkert grín,\" segir Þór Saari.
