Frá þessu er greint í yfirliti RÚV yfir þingsetningarræður þingmanna og ráðherra, en Ólafur Ragnar Grímsson forseti var gagnrýninn á áform um breytingar á stjórnarskrá í ræðu sem hann flutti við setningu Alþingis. Hann sagði að það væri andlýðræðislegt að láta fara fram þjóðaratkvæðagreiðslu um stjórnarskrárbreytingar samhliða forsetakosningum næsta sumar.
Birgitta sagði forsetann hafa sniðgengið nokkur mikilvæg atriði í tengslum við mögulega þjóðaratkvæðagreiðslu um stjórnarskrárbreytingar samhliða forsetakosningum: \"Í fyrsta lagi eru þetta óþarfa áhyggjur hjá forsetanum um að kosningar um stjórnarskrárbreytingar samhliða forsetakosningum verði ólýðræðislegar - það er einmitt eina mögulega leiðin til að tryggja nægilega þátttöku almennings.“
Í huga þeirra væru víðerni Vatnajökuls full af fólki. Þá bað hann viðstadda að ímynda sér að þeir væru komnir til London, Kína eða Indlands. Þar væri engan að finna: \"Og þegar við opnum augun, ætlum við þá að reyna að halda því fram, í fullri alvöru, að heimurinn se svo stór að við getum ekki haft áhrif á hann til breytinga og mannfjöldinn svo mikill að við skiljum ekki hver hann er? Nei. Það er ekki þannig. Er það ekki kannski frekar að við sannfærumst um að sú tilfinning okkar að við getum leyst vandann sé rétt en að það sem haldi aftur að okkur séu mótbárur og afsakanir ríkjandi valdakerfa?“ sagði Árni Páll.
Bjarni sagði þingmenn verða að líta í eigin barm - að fara treysta fólkinu betur. Hann rifjaði upp að ekki væri langt síðan að hér hefði til að mynda ekki verið frjálst útvarp né hægt að kaupa bjór.
Þingið stæði frammi fyrir fleiri slíkum málum - það væri ekki enn farið að treysta fólki.
Hann nefndi sem dæmi kröfu frá atvinnulífinu um að lækka tryggingargjaldið enn frekar - það væri í eðli sínu frelsismál þar sem álögum væri létt til að hugmyndir gætu fengið að blómstra.
Þingið væri að senda röng skilaboð með því að treysta ekki fólki til að versla áfengi í venjulegum búðum.
Bjarni minntist Péturs Blöndals sem lést fyrr á þessu ári - hann hefði talað fyrir frelsi og ábyrgð í ríkisfjármálum og þeirri umræðu yrði haldið á lofti. Og þingmenn ættu hafa það hugfast að hægt væri að vinna á vantrausti til þingsins með því að fara treysta fólkinu betur, að því er fram kom í fréttum RÚV í kvöld um umræður þingmanna og ráðherra við upphaf haustþings.
