„Við þurfum öll að sýna ábyrgð með hegðun okkar þar til bylgja faraldursins gengur yfir“ segir Willum Þór Þórsson heilbrigðisráðherra, í orðsendingu sinni sem var birt á vef ráðuneytisins í gær.
Mikilvægt sé að fólk viðhafi varúð og sýni tillitssemi í samskiptum við einstaklinga sem teljast til viðkvæmra hópa, s.s. aldraða og fólk með bælt ónæmiskerfi.
„Ég hvet fólk til leggja þannig sitt af mörkum til að vernda viðkvæma hópa og verja heilbrigðiskerfið fyrir miklu álagi.“
