Vörður, fulltrúaráð sjálfstæðisfélaganna í Reykjavík, mótmælir harðlega þeim áformum borgarstjórnar Reykjavíkur, um að lækka hámarkshraða á öllum götum í umsjá borgarinnar.
Í síðustu viku samþykkti Skipulags- og samgönguráð Reykjavíkurborgar tillögu um að hámarkshraði á langflestum borgargötum verði lækkaður niður í 40 eða 30 kílómetra hraða.
Geri illt verra
„Það mun að öllu óbreyttu ýta umferðinni frekar inn í íbúðahverfi borgarinnar, sem verður til þess að ógna umferðaröryggi allra vegfarenda,“ segir í tilkynningu frá Vörðum. Þetta hafi reynslan sýnt.
„Skýrt dæmi um þetta er frá árinu 2014, þegar borgaryfirvöld þrengdu að umferð á Hofsvallagötu. Þetta varð til þess, að ökutækjum fjölgaði um 1.000 á sólarhring í nærliggjandi íbúðargötum og er það samkvæmt talningu borgaryfirvalda sjálfra.“
Breytingarnar voru gerðar til að draga úr svifryksmengun en Vörður telja að hægt yrði að gera það með öðru móti. „Þrif á götum borgarinnar hafa ekki verið nægileg og það þarf að þrífa götur Reykjavíkur oftar en einu til tvisvar sinnum á ári.“ Betri snjómokstur myndi einnig draga úr notkun nagladekkja.
„Vörður, fulltrúaráð sjálfstæðisfélaganna í Reykjavík skorar á borgaryfirvöld að bakka frá þessum áformum sínum og leita annarra leiða til minnka svifmengun í borginni.“
