Einar Þorsteinsson formaður borgarráðs segir að vel komi til greina að Reykjavíkurborg kaupi snjóruðningstæki sem sinnt geti snjómokstri á húsagötum samhliða því að verktakar sinni snjómokstri á stofnbrautum og tengivegum.
Morgunblaðið greinir frá. Mikill snjór er um alla Reykjavíkurborg og íbúar sumir ekki sáttir við mokstur í sínum götum. Fram hefur komið að Reykjavíkurborg eigi einungis tvö snjóruðningstæki á meðan verktakar sinni rest.
Einar segir í Mogganum í dag að á bilinu 9 til 21 tæki hafi mokað götur og stíga frá því á föstudagskvöld í borginni. Efri byggðir hafi verið í forgangi.
„En mér finnst vont að sjá fólk enn fast inni í götum sínum á þriðja degi,“ segir Einar,“ hefur Morgunblaðið eftir Einar. Mikil hálka hefur verið í miðbænum og var enn nú í morgunsárið á mánudagsmorgni. Einar segir að menn hafi verið ræstir út strax klukkan 06:00 í morgun til þess að salta.
