Vil­hjálmur: Þarna verðum við að gera betur – Hvert fara peningarnir okkar?

„Ég tel löngu tíma­bært að al­mennt launa­fólk fari að fylgjast með og taka miklu meiri af­stöðu til þess hverju skatt­fé okkar er ráð­stafað í. Það er í raun rann­sóknar­efni hversu lítil um­ræða er um hvernig ríki og sveitar­fé­lög fara með skatt­fé al­mennings.“

Þetta segir Vil­hjálmur Birgis­son, for­maður Verka­lýðs­fé­lags Akra­ness, í pistli á Face­book-síðu sinni. Vil­hjálmur segir að ís­lenskir skatt­greið­endur þurfi að veita fjár­veitingar­valdinu miklu meira að­hald en gert hefur verið á undan­förnum árum. Ef­laust eru margir sem geta tekið undir þetta.

Vil­hjálmur bendir á að launa­maður sem er með 600 þúsund í mánaðar­laun greiðir rétt tæpar 2 milljónir í skatta til ríkis og sveitar­fé­laga á ári miðað við heildar­tekjur upp á 7,2 milljónir á ári. Og ef hjón eru með sam­bæri­legar tekjur greiða þau um 4 milljónir í skatt á ári af launum sínum.

„Þessu til við­bótar er fólk að greiða fast­eigna­skatt, bif­reiða­skatt, virðis­auka af mat­vælum og þjónustu og svona mætti lengi telja sem þýðir að stór hluti tekna launa­fólks fer með einum eða öðrum hætti til ríkis og sveitar­fé­laga í formi skatts.“

Vil­hjálmur segir á þessari for­sendu með ó­líkindum hvað launa­fólk og heimili virðast velta því lítið fyrir sér hvernig farið er með skatt­fé okkar.

„Ég tel að hér verði að eiga sér stað um­tals­verð hugar­fars­breyting hjá launa­fólki og al­menningi og launa­fólk á að sjálf­sögðu að fylgjast miklu, miklu betur með í hvað skatt­fé okkar er ráð­stafað.“

Hann kveðst gera sér grein fyrir því að við verðum að halda úti­góðri vel­ferðar­þjónustu, heil­brigðis­kerfi, mennta­kerfi, lög­gæslu og annarri lög­bundinni þjónustu í þágu al­mennings. Það geri það samt ekki að verkum að launa­fólk eigi ekki að láta meira að sér kveða varðandi í hvað skatt­fé al­mennings er eytt.

„Munum að á þessu og næsta ári er á­ætlað að halli ríkis­sjóðs nemi 600 milljörðum og verði kominn í 900 milljarða árið 2025 og því mikil­vægt að muna að það mun ekki koma í hlut neinna annarra en ís­lenskra skatt­greið­enda að vinna bug á þessum halla.

Það er nefni­lega þjóðar­í­þrótt þegar allir öskra að ríkið eigi að gera þetta og hitt en á endanum er það skatt­fé okkar allra sem hér er um að ræða og við eigum að veita fjár­veitingar­valdinu miklu meira að­hald en gert hefur verið á liðnum árum og ára­tugum.“