Vilhjálmur Birgisson, formaður Verkalýðsfélags Akraness, er allt annað en sáttur með Ólaf Hjálmarsson hagstofustjóra.
Sigurður Ingi Jóhannsson Innviðaráðherra skoraði óvænt á Hagstofu Íslands að taka markaðsverð húsnæðis úr vísitölu neysluverðs. Ólafur sagði í kjölfarið að skildi ekkeert hvað ráðherra væri að fara.
„Það er ótrúlegt að sjá forstjóra Hagstofunnar sem er um leið opinber starfsmaður sýna ráðherra í ríkisstjórn Íslands slíkan hroka eins hér gerist. Ég botna algerlega um hvað Sigurður Ingi er að tala um en ég botna hins vegar ekkert í því af hverju Hagstofan hér á landi reiknar húsnæðisliðin eins og gert er hér á landi,“ skrifar Vilhjálmur.
„En nánast ekkert land reiknar húsnæðisliðin út eins og við Íslendingar gerum og sem dæmi þá er til nokkuð sem heitir Samræmd vísitala sem 33 lönd innan ESB og ESS framkvæma í hverjum mánuði. Þessi Samræmda vísitala er mæld nákvæmlega eins í öllum þessum löndunum og inn í þessari vísitölu er einnig húsnæðisliður sem samanstendur að svokallaðri „greiddri húsleigu“ ásamt hita og rafmagni. Aðrir liðir í Samræmdu vísitölunni er með nákvæmlega sama hætti og íslenska vísitalan er framkvæmd. Einni munurinn er húsnæðisliðurinn,“ segir Vilhjálmur enn fremur.
„Af hverju eru ekki aðrar þjóðir að mæla vísitöluna eins og við? Er það af því við erum mest og best í öllu og aðrar þjóðir svo vitlausar? Veit almenningur almennt hvernig húsnæðisliðurinn í íslensku vísitölunni er? Mitt mat er að ekki margir séu með það á hreinu, en það er bara mitt mat,“ segir Vilhjálmur.
Hægt er að lesa pistill hans í heild sinni hér .
