Vig­dís urðar yfir Dag: „Borgar­stjóri er meira en sorg­legur“ - Segir þéttingar­stefnu Reykja­víkur mann­fjand­sam­lega

Vig­dís Hauks­dóttir borgar­full­trúi Mið­flokksins vandar Degi B. Eggerts­syni borgar­stjóra ekki kveðjurnar á Fés­bókar­síðu sinni í dag. Til­efnið eru lóða- og í­búðar­mál í Reykja­vík. Vig­dís segir Dag á­vallt kenna öðrum um þá stöðu sem upp er komin.

„Borgar­stjóri ætlar að sýna töfra­brögð í ráð­húsinu seinna í dag - þar ætlar hann að telja í­búðir sem hann flokkar full­kláraðar þó að­eins sé búið að gefa út byggingar­leyfi - byggingar­leyfi sem jafn­vel eru komin í salt vegna ó­hag­stæðra að­stæðna sem borgin sjálf hefur skapað,“ segir Vig­dís í færslu sinni.

Þar deilir hún frétt sem segir frá að í lóða­út­hlutunar­á­ætlun Reykja­víkur­borgar til næstu tíu ára séu til­greindar lóðir undir 10.260 í­búðar­einingar.

Því næst greinir hún frá bókun sinni í borgar­ráði í gær: „Fyrr í vikunni var gefinn út um 60 blað­síðna upp­bygginga­bæklingur sem byggir á glæru­sýningum sem ganga allar út á þéttingar­reiti og látið er vera að brjóta nýtt land. Fólk hefur um­vörpum flúið þessa þétt­leika­stefnu Reykja­víkur­borgar í önnur sveitar­fé­lög sem eru um klukku­stunda akstur frá borginni,“ segir Vig­dís í bókun sinni.

Hún heldur á­fram: „Hér er talað tungum tveim því mikið af því fólki sem flúið hefur Reykja­vík vinnur eftir sem áður í borginni. Stað­reyndirnar eru að fólk vill meira rými, græn svæði, litla garða, birtu og sólar­ljós. Í raun er þéttingar­stefna Reykja­víkur mann­fjand­sam­leg út frá lýð­heilsu­sjónar­miðum og ekki síður mengunar­völdum þegar svo gríðar­lega er þrengt að um­ferð. Lík­lega er þéttingar­stefnan mesta um­hverfis­slys sem átt hefur sér stað á þessari öld,“ segir Vig­dís enn fremur frá bókun sinni.

Í at­huga­semd undir færslu sinni deilir Vig­dís frétt Mbl.is. Þar segir Dagur að lóða­skortur í Reykja­vík sé ekki til­kominn vegna fárra út­hlutaðra lóða af borginni, heldur sökum þess að allir við­skipta­bankarnir hefðu skrúfað fyrir fjár­mögnun til verk­taka.

Þessu tekur Vig­dís alls ekki vel: „Borgar­stjóri er meira en sorg­legur – finnur alltaf söku­dólga – þessum manni er fyrir­munað að líta í eigin barm,“ segir Vig­dís og skefur ekkert af hlutunum.

Hún fær á­gætis undir­tektir meðal Fés­bókar­vina sinna í at­huga­semdunum. Þar segir Anna nokkur: „Það verður að koma þessum meiri­hluta í burtu og það strax þetta er orðið gott.“

Þá segir Gunnar nokkur Þórarins­son: „Ég trúi ekki að fólk kaupi þessa lyga sögu enn og aftur. Raun­heimar segja allt aðra sögu eins og fólk finnur á eigin skinni.“