Vig­dís: „Það er að­eins annað að fara í frí eitt­hvert en að búa þar“

Leik­konan Vig­dís Haf­liða­dóttir er með á­huga­verða hug­vekju á sam­fé­lags­miðlinum Twitter sem hefur vakið gríðar­lega mikla at­hygli. Þar skrifar hún um Ítalíu og ber saman ís­lensk og ítölsk lífs­gæði.

Hún segist elska Ítalíu, hafa verið þar í skipti­námi og oft farið að ferðast að heim­sækja fólkið sitt. Vin­kona hennar hafi nú verið að fá sæmi­lega launaða vinnu, með í kringum 1000 evrur á mánuði (tæpar 140 þúsund ís­lenskar krónur) fyrir 9 tíma vinnu­dag, eftir að hafa verið áður með 300 evrur, (tæpar 42 þúsund krónur) til að öðlast reynslu.

„Fjöl­skyldan mín á Ítalíu borgar himin­háa orku­reikninga á mánuði sem hafa hækkað með stríðinu. Nú vita þau ekki hvaðan þau fá hita og raf­magn í vetur sem og fleiri lönd í Evrópu sem búa við mikla ó­vissu í orku­málum,“ skrifar Vig­dís.

„Þau þurfa líka bæði að vinna fram yfir sjö­tugt til að eiga rétt á elli­líf­eyri sem eru 800 evrur á mánuði.“

Vig­dís bætir við að lokum, því sem vakið hefur mesta at­hygli:

„Já pizzan kostar 8 evrur og vín­glas 3-4, landið er fal­legt, sjórinn er hlýr og fólkið gott og skemmti­legt. En það er að­eins annað að fara í frí eitt­hvert en að búa þar.“

Þá segir Vig­dís: „Ég fyllist alla­vega yfir­leitt þakk­læti fyrir að búa á Ís­landi þegar ég fer til út­landa. Líka í súld. Ég hef notið þess mjög að búa í út­löndum og það er margt eftir­sóknar­vert í öðrum löndum sem eykur lífs­gæði og ýmsi­legt sem Ís­land gæti lært af.“

Hún segir auð­vitað mikil­vægt að sofna aldrei á verðinum og hætta ekki að reyna að bæta lífs­skil­yrði fólks og kjör. „En mér finnst ó­metan­legt að búa þar sem er ferskt loft, ódýr og græn orka, náttúra, at­vinna og gott vatn.“