Linda Lyngmo verkefnastjóri hjá Íslandsbanka verður hjá Sjöfn Þórðar í þættinum Fasteignir og Heimili í kvöld:
Það má með sanni segja að í dag fleygi tækninni fram á hverjum degi sem er kærkomið á þessum fordæmalausu og flóknu tímum sem nú ganga yfir. Íslandsbanki hefur lagt sitt af mörkum til að þjónusta viðskiptavini sína á sem skilvirkasta og hagkvæmasta hátt sem völ er á að hverju sinni og eru í stöðugri þróun í því að gera betur.
Töluverð aukning hefur verið á því að fólk endurfjármagni núverandi húsnæðislán sín með það í huga að lækka vexti og greiðslubyrði og fyrst og fremst til að vera með hagstæðari lán en ella. Nú er Íslandsbanki kominn með nýja þjónustuleið, sjálfvirka leið fyrir endurfjármögnunarferli gegnum vefinn sem er mikil kostur fyrir viðskiptavini.
Sjöfn Þórðar hittir Lindu Lyngmo verkefnastjóra í höfuðstöðvum bankans og fær frekari innsýn í þessa nýju þjónustuleið.
„Með því að nýta sér þessa nýju þjónustuleið, spara viðskiptavinir tíma og geta núna sótt um, stillt upp nýjum lánum og klárað ferlið í sófanum heima hjá sér sem minnkar kolefnisspor í leiðinni,“ segir Linda og segir jafnframt að Íslandsbanki kappkosti að vinna að lausnum fyrir hvern og einn enda séu aðstæður fjölskyldna margvíslegar og ólíkar.
Linda mun jafnframt segja okkur frá helstu aðgerðum Íslandsbanka til að koma til móts við viðskiptavini sína á þessum fordæmalausu tímu til létta þeim róðurinn við rekstur heimilisins og takast á við þær áskoranir sem við stöndum fyrir næstu vikur og mánuði. Meira um þessi mál í þættinum í kvöld.
Þátturinn Fasteignir & Heimili verður á dagskrá í kvöld klukkan 20.30 og er að jafnan ferskur, fjölbreyttur og með persónulegum blæ.
