Víðir Reynisson segir sóttvarnaryfirvöld nú skoða það að stytta einangrun og sóttkví hjá fólki vegna Covid-19 sýkingar með tilliti til nýrra leiðbeininga frá Sóttvarnarstofnun Bandaríkjanna. Víðir ræddi stöðuna og fjölda smita innanlandsvið Fréttablaðið.
„Þessi fjölgun er heldur umfram þær spár sem við vorum með, þannig manni líst ekki vel á stöðuna og þær fréttir til viðbótar með Landspítalann og sjúklingana þar sem greindust, þær valda líka áhyggjum, því þetta veldur álagi þar sem það þarf talsvert fleiri starfsmenn til að sinna Covid sjúklingum vegna búnings og þess háttar.“
Hann hvetur landsmenn sem gera sér grein fyrir því að þeir hafi verið útsettir fyrir veirunni að skrá sjálfa sig í sóttkví.
Víðir segir nú til skoðunar að endurmeta tímann sem fólk er í einangrun vegna veirunnar. „Við erum alltaf bara að skoða gögnin og nýjustu upplýsingarnar þannig við erum alltaf að breyta kerfinu eftir því sem þekkingin eykst,“ segir Víðir.
Viðtal Fréttablaðsins við Víði.
