Jafnrétti hefur beinan hagrænan ávinning fyrir samfélagið þar sem það nýtir betur mannauð þess. Ásta Fjeldsted, framkvæmdastjóri Viðskiptaráðs segir frá fundi um jafnrétti hjá Alþjóðaviðskiptastofnuninni (WTO), þar sem hún sat í pallborði. Hún ræðir einnig mikilvægi þess að nýta starfskrafta eldra reynslumikils fólks í samfélaginu.
Í síðari hluta þáttarins er rætt við Frey Hólm Ketilsson, framkvæmdastjóra Dattaclabs, en hann stendur fyrir því sem kallað er Hackathon um helgina í Háskólanum í Reykjavík. Nýjar Evrópureglur um meðferð persónuupplýsinga skapa ógnanir og um leið tækifæri í viðskiptum. Ísland á mikla möguleika á að taka forystu í heimi þar sem hver og einn er eigandi verðmætra upplýsinga um sjálfan sig. Freyr er í fararbroddi þeirra sem sjá mikil tækifæri í þessu nýja umhverfi.
