Því er nú haldið fram að mál fjölmiðlamannsins Sölva Tryggvasonar, sem í einhverjum skilningi hóf nýja MeToo-bylgju á Íslandi, sé byggt á stórum misskilningi.
Það er Mannlíf sem greinir frá því, en þar segir að Sölvi sé ekki maðurinn sem gekk í skrokk á vændiskonu í mars 2021. Vísað er til upplýsinga frá lögreglu og ónafngreinds lögmanns mannsins sem á í raun og veru að hafa framið brotið.
Sjálfur neitaði Sölvi því á sínum tíma að vera umræddur maður, en sögusagnir um málið fóru manna á milli á samfélagsmiðlum síðsatliðið vor.
„Síðustu daga hafa gengið ótrúlega rætnar slúðursögur um mig í þjóðfélaginu sem eiga sér enga stoð í raunveruleikanum,“ hafði Sölvi skrifað á Instagram.
Nú er fullyrt að annar maður en Sölvi hafi brotið á vændiskonu. Glæpurinn hafi átt sér stað en þar hafi Sölvi hvergi komið nærri.
Hinn brotlegi hafi ekki verið þjóðþekktur og játað sök, að því er Mannlíf fullyrðir.
Þá er vísað í lögmann hins mannsins:
„Þessi árás átti sér vissulega stað. Sölvi kom henni bara engu nálægt. Tímasetningin passar og sjónvarvottar hlúðu að konunni,“
