Veitinga­menn brjálaðir út í lög­reglu: „Minnir á ó­fagra stemningu í A-Evrópu á sínum tíma“

„Það er ein­fald­lega mjög ó­þægi­legt fyrir veitinga­staði, sem á að vera af­slappandi upp­lifun að sækja, að hafa lög­reglu­menn í­trekað inni á gólfi hjá sér. Aðal­lega er þó ó­heppi­legt þegar lög­regla eða aðrir eftir­lits­aðilar fara ekki eftir þeim skýru reglum sem settar eru.“

Þetta segir Er­lendur Þór Gunnars­son hæsta­réttar­lög­maður í við­tali í Morgun­blaðinu í dag, en þar er fjallað um mikla ó­á­nægju rekstrar­aðila veitinga­staða í mið­borginni vegna mis­munandi túlkunar á reglum um opnun veitinga­staða á tímum CO­VID-19.

„Ég hef heyrt af nokkrum stöðum í mið­bænum þar sem lög­reglan er að koma rétt fyrir klukkan 22 á kvöldin og hóta ein­hverjum sektum þar sem ör­fáir sitja og eru að klára að borða eða drekka drykki sína. Þessi hegðun minnir á ó­fagra stemningu í A-Evrópu á sínum tíma,“ segir Er­lendur.

Að mati Er­lends eru reglurnar mjög skýrar; þannig megi staðirnir vera opnir til klukkan 22 en gestum sé svo gefinn klukku­stund til að klára drykki sína eða veitingar. Þá er vísað í reglu­gerð um veitinga­staði, gisti­staði og skemmtana­hald þar sem kveðið er á um að allir gestir skulu hafa yfir­gefið veitinga­stað eigi síðar en klukku­stund eftir lokun.

Í fréttinni kemur fram að enginn þeirra rekstrar­aðila sem hann starfar fyrir hafi fengið kæru eða sekt þrátt fyrir hótanir lög­reglu. Segist Er­lendur undrast vinnu­brögð lög­reglu.

„Áður en þetta á­stand skall á, hve­nær gerðist það síðast að lög­regla var að mæta í hópum inn á fjölda veitinga­staða og hóta sektum þegar allir gestir voru ekki farnir út nokkrum mínútum eftir lokun?“