„Veiran elskar eitur,“ segir Kolbrún Björnsdóttir grasalæknir í viðtali við Ásdís Olsen í Undir yfirborðið. „Það er eitur í matnum okkar, kremunum og fötunum okkar."
Í þættinum hefur Kolbrún stór orð um skaðsemi eiturefna í umhverfi okkar sem næra veiruna og veikja ónæmiskerfið. Hún segir manninn hafa skaðað jörðina og truflað náttúruleg kerfi með allskyns inngripum, t.d. með því að erfðabreyta og eitra í ræktun matvæla. „Við verðum að hætta að drepa og eitra“ segir hún.
Kolbrún segir ótta og streitu líka skaðlega heilsu okkar. Það sé líklegt að kortisól og adrenalín næri veiruna líka. Stundum er fólk eins og gangandi skítug sundlaug,“ segir Kolbrún og segist stundum fá tár í augun þegar hún sér ábyrgðarleysi fólks gagnvart sjálfu sér.
Kolbrún segir þó enga ástæðu til að óttast. „Það eru til allskonar lausnir,“ og nú höfum við fengið gott tækifæri til að taka til.
Þátturinn er aðgengilegur á Hringbraut.is
