Vara við ferðum á Norðausturlandi í kvöld

Veðurstofa Íslands varar við ferðum á Norðurlandi eystra í kvöld eftir að gul viðvörun tekur gildi. Hún tekur gildi klukkan 22 í kvöld og verður í þrjá klukkutíma, til klukkan 01 í nótt.

Þar er spáð miklum stormi og getur orðið virkilega hvasst á vissum stöðum á Eyja­fjarðar­svæðinu og utan­verðum Trölla­skaga. Þar gætu vindhviður náð allt að 40 metrum á sekúndu.

Í­búar svæðisins eru ein­dregið hvattir til að festa lausa­muni utan­dyra eða koma þeim í öruggt skjól áður en stormurinn skellur á.