Útsending Hringbrautar liggur niðri og mun liggja niðri á meðan rafmagnslaust er í húsakynnum sjónvarpsstöðvarinnar í miðbæ Reykjavíkur.
Fréttavaktin verður hinsvegar á sínum stað og mun birtast á vef Fréttablaðsins á slaginu 18:30. Eins og frá hefur verið greint liggur rafmagn niðri í stórum hluta miðbæjarins og vesturbæjar að granda vegna bilunar.
Fram kemur á vef Veitna þegar þetta er skrifað að búist sé við því að rafmagnslaust verði á þessu svæði þar til á miðnætti í kvöld.
Áfram verður öflug fréttaþjónusta á vef Fréttablaðsins eins og venjan er.
