Hlaðvarpsþáttur Birkis Karls Sigurðssonar og Leifs Þorsteinssonar, Chess after Dark, lenti heldur betur í leiðinlegu atviki þegar þeir tóku athafnamanninn Jón Gunnar Geirdal í viðtal á dögunum.
Í nýjasta þætti þeirra grínast þáttastjórnendur og Jón Gunnar með að þetta sé önnur tilraun þeirra til að koma viðtali í loftið en í fyrra skiptið átti sér stað martröð allra hlaðvarps- og fjölmiðlamanna – það gleymdist að kveikja á upptökunni, samkvæmt frétt DV.
„Ég held að ég muni aldrei gleyma þessu kvöldi. Þetta er líklega botninn á hlaðvarpsvegferðinni okkar,“ segir Leifur í samtali við DV.
„Viðtalið var í rúma tvo tíma og var alveg frábært. Það var mikið hlegið og endalaust af sögum sem fengu að fjúka,“ segir Birkir.
Hægt er að lesa umfjöllun DV um þetta skondna málhér.
