Trausti vildi ekki setja upp grímu í Bónus: Biður starfs­fólk af­sökunar en segist samt vita betur

Mynd­band sem Trausti Ey­steins­son birti á Face­book-síðu sinni í gær hefur vakið gríðar­lega at­hygli, en á því sést þegar hann neitar að setja upp grímu í verslun Bónus.

Trausti er þeirrar skoðunar að grímu­notkun geri ekkert nema að taka súr­efni af fólki og gera það veikara. Trausti freistaði þess að fara inn í verslunina með trefil fyrir vitum sér. Honum var hins vegar meinaður að­gangur af starfs­manni Bónus sem hlaut mikið lof fyrir fag­leg við­brögð.

Það þarf vart að taka það fram að grímu­skylda er nú í verslunum og kemur hún ekki til af góðu. Út­breiðslu kórónu­veirunnar sem veldur CO­VID-19 hefur verið mikil að undan­förnu og hafa sótt­varnar­yfir­völd mælt sterk­lega með notkun hennar. Grímurnar geta hindrað dropa­smit og þykja þær býsna mikil­væg við­bót við ein­stak­lings­bundnar sótt­varnir.

Ó­hætt er að segja að mynd­bandið hafi vakið at­hygli og voru ó­fáir sem létu Trausta heyra það í at­huga­semdum. Þegar þetta er skrifað hafa um 50 þúsund manns horft á mynd­bandið á Face­book-síðu Trausta og hátt í 600 at­huga­semdir verið skrifaðar – vel flestar nei­kvæðar í hans garð.

Trausti svarar fyrir þá gagn­rýni sem hann hefur fengið yfir sig í við­tali við Mann­líf. „Það er ó­trú­legt níð og ein­elti í gangi. Ég er bara dæmdur án dóms og laga,“ segir Trausti í við­talinu og segist vita betur.

„Ég veit alveg hvað ég er að gera og veit þetta miklu betur enda menntaður í því að kenna fólki að anda. Í þessu mynd­bandi var ég ekki að tala við starfs­fólkið heldur yfir­valdið og í rauninni alla sem eru sofandi þarna úti.“ Trausti segist hafa kennt öndun í 13 ár og segir að honum gangi gott eitt til.

Í við­talinu segir Trausti að hann vilji biðja starfs­fólk Bónus af­sökunar – og alla þá sem mis­skildu skila­boð hans.

„Sér­stak­lega starfs­fólkið í búðinni, auð­vitað. Ég er skap­maður en ég er líka fljótur niður og mjög fljótur að segja fyrir­gefðu. Ég er ekkert pirraður út í það heldur útí það hvað yfir­völd eru að láta fólk gera,“ segir Trausti.

Hér má nálgast upp­lýsingar um grímur og gagn­semi þeirra á vef CO­VID.is.

Hér má nálgast leið­beiningar um notkun þeirra á vef Em­bættis land­læknis.