Tölvu­þrjótar þykjast vera Bubbi á netinu: „Með mínu nafni, myndum af mér og fólkinu mínu“

Tón­listar­maðurinn Bubbi Morthens greinir frá því á Face­book síðu sinni að fjöl­margir séu að þykjast vera hann á Insta­gram.

„Í hverjum einasta mánuði er einn eða fleiri feik insta­gram prófílar með mínu nafni myndum af mér og fólkinu mínu búnir til,“ skrifar Bubbi og bætir við að þetta er búið að gerast í nokkur ár.

„Þið megið til­kynna þessar feik síður,“ skrifar Bubbi og bætir við að „oftast eru skila­boð a ensku eða bjagaðri ís­lensku.“