Þær Thelma Tryggvadóttir, Ýr Guðjohnsen og Katla Ómarsdóttir bera í viðtali í þættinum Eigin konur að Auðunn Lúthersson betur þekktur sem tónlistarmaðurinn Auður hafi brotið gegn þeim kynferðislega.
Þetta kemur fram í frétt Stundarinnar sem Edda Falak, þáttastjórnandi Eigin Konur, skrifar.
Tónlistarmaðurinn Auður var til viðtals í Ísland í dag í apríl þar sem hann viðurkenndi að hafa „farið yfir mörk“ í samskiptum sínum við konur. Konurnar þrjár í viðtali hjá Eddu lýsa „ágengni og meiðandi“ framkomu sem Auður hefur aldrei axlað ábyrgð á.
Fyrstu ásakanir á hendur Auðuns árið 2021 er ein kona hvað hann ógnandi, segir í frétt Stundarinnar. Auðunn sendi frá sér yfirlýsingu þar sem hann viðurkenndi að hafa farið yfir mörk konu. Í kjölfarið steig önnur kona fram og sagði hann hefði brotið á sér og sú þriðja sagði hann hafa látið sig gera hluti sem hún vildi ekki.
„Sögunum fjölgaði og þær urðu alvarlegri. Sumar hafa hvorki verið sagðar af þolendum né verið sannreyndar. Sögur af byrlunum, þöggunarsamningum og frelsissviptingum. Sjálfur hefur Auðunn bent á að margt sem um hann sé sagt sé hreinn og klár uppspuni. Staða hans er því flóknari en í mörgum þessara mála. Hann hefur beðið um að vera dæmdur af gjörðum sínum, en ekki því sem er ósatt. „Það er í grunninn munur á því að trúa orðrómum og að trúa þolendum. Ég get ekki tekið ábyrgð á því sem er ósatt,“ sagði hann.
Í umfjöllun Stundarinnar segja konurnar þrjár frá viðbrögðum sínum við Ísland í dag þættinum og gagnrýna harðlega þann stuðning sem Auður fékk eftir þáttinn. Þær segjast vita til þess að hann hafi brotið á fleiri konum og lýsa ágengri hegðun hans gagnvart sér. Þá segja þær sárt að sjá tónlistarmenn eins og Bubba og Jón Jónsson gefa nú út lög með honum á ný.
Hægt er að lesa frétt Stundarinnar í heild sinni hér.
