Guðni Halldórsson, betur þekktur sem Guðni Klipp, fagnaði því á þriðjudaginn að hafa klárað að klippa áramótaskaupið fyrir RÚV. Hann birti þar mynd með og bað þjóðina vinsamlegast um að haga sér.
„Þá er skaupið klárt. Verið nú stillt svo maður þurfi ekki að fara vesenast eitthvað meira í þessu #skaup2020,“ skrifaði Guðni.
Ekki nema sólarhring síðar var Bjarni Benediktsson, fjármála- og efnahagsráðherra, gripinn fyrir sóttvarnarhliðarspor er hann var á listsýningu í Ásmundarsal þar sem fjöldatakmarkanir voru ekki virtar.
Atvikið vakti litla hrifningu hjá íslensku þjóðinni og hafa margir velt fyrir sér hvort það ætti nú ekki vera að vera hluti af áramótaskaupinu.
Guðni tísti því í kjölfarið að ábyrgðin væri sín enda hefur fyrra tíst sett af stað keðjuverkun og biður hann þjóðina afsökunar.
„Ég vil biðja þjóðina afsökunar á þessu Tvíti. Með birtingu á þessu virðist einhver keðjuverkun hafa farið af stað og fólk hefur talið sig geta gerta ýmsa hluti sem ekki má. Sökin er mín, en mér til varnar, ég er bara mannlegur og geri mistök.
Ég vil biðja þjóðina afsökunar á þessu Tvvíti.
— Gudni Halldórsson (@GudniKlipp) December 24, 2020
Með birtingu á þessu virðist einhver keðjuverkun hafa farið af stað og fólk talið sig geta gert ýmsa hluti sem ekki má. Sökin er mín,en mér til varnar, ég er bara mannlegur og geri mistök https://t.co/WBy6XrfWct
