Þór­ólfur svarar fyrir þrá­látan orð­róm: „Ég myndi nú vita það“

Þór­ólfur Guðna­son sótt­varna­læknir svarar í Morgun­blaðinu í dag fyrir þrá­látan orð­róm þess efnis að lyfja­risinn Pfizer hafi sam­þykkt að láta Ís­lendingum í té bólu­efni fyrir alla lands­menn.

Nokkuð er liðið síðan greint var frá þreifingum um að Ís­land yrði eins­konar til­rauna­land fyrir bólu­efni Pfizer. Fyrir­tækið myndi þannig tryggja nægt bólu­efni til að hjarðó­næmi næði að myndast og um leið yrði gerð rann­sókn á virkni efnisins.

Kári Stefáns­son og Þór­ólfur Guðna­son hafa rætt málið við Pfizer og hefur orð­rómur verið á kreiki um að samningar séu í höfn. Segir sagan að jafn­vel sé búið að á­kveða ná­kvæm­lega hve­nær öllum bólu­setningum lýkur hér á landi – það gæti orðið fyrr en marga grunar.

Þór­ólfur þver­tekur hins vegar fyrir það í sam­tali við Morgun­blaðið og segir að ekkert sé í höfn. Í raun sé ekkert meira að frétta en þegar hefur komið fram.

„Þetta er ekki komið svo langt að búið sé að á­kveða hvaða daga eigi að bólu­setja. Ég myndi nú vita það. Þetta er ekki komið eins langt og ein­hverjir eru að segja. Það er á­hugi hjá Pfizer og á­hugi hjá okkur. Menn eru bara að ræða málin og um­fram það er ekkert klárt,“ segir Þór­ólfur.