Þórólfur segir upp störfum sem sóttvarnalæknir

Þór­ólfur Guðna­son sótt­varna­læknir hefur sagt form­lega upp störfum frá og með 1. septem­ber 2022. Þetta kemur fram á vef Land­læknis.

Þar kemur fram að á­stæður upp­sagnarinnar sé bæði per­sónu­legar og fag­legar, til dæmis nú­verandi bylgja Co­vid-19 er að mestu yfir­staðin og nýr kafli að hefjast í starf­semi sótt­varna­læknis.

„Í þessum nýja kafla felast m.a. upp­gjör á við­brögðum við Co­vid far­aldrinum með það fyrir augum að bæta við­brögð við far­öldrum fram­tíðarinnar og vinna við þau lög­boðnu verk­efni sem sótt­varna­lækni er ætlað að sinna en hafa að miklu leyti fallið niður á tímum Co­vid-19,“ segir í fréttinni.

Bent er á að þó að Ís­land sé nú á góðum stað í Co­vid far­aldrinum þá sé honum hvergi lokið á heims­vísu og á meðan að svo er, þurfi að fylgjast náið með til­komu nýrra af­brigða veirunnar og hversu vel og lengi ó­næmið sem ein­staklingar hafa náð mun vara. Að auki muni koma til lög­skipaðra starfs­loka sótt­varna­læknis á næsta ári er hann verður sjö­tugur.

„Allt hér að ofan mælir því með að sótt­varna­læknir láti af af störfum á þessum tíma­punkti. Em­bætti land­læknis mun á næstu dögum aug­lýsa starf sótt­varna­læknis,“ segir í fréttinni.