Þorgerður Katrín segir Vinstri græn „spegilmynd þess sem við höfum fengið að fylgjast með í Verbúðarþáttunum“

Þor­gerður Katrín Gunn­ars­dótt­ir, for­maður Við­reisn­ar, segir Vinstri græn hafa fórnað hugsjónum um að leggja af kvótakerfið í skiptum fyrir ráðherrastóla. Í grein sem hún skrifar í Morgunblaðið í dag segir hún þetta „speg­il­mynd þess sem við höfum fengið að fylgj­ast með í Ver­búð­ar­þátt­un­um“.

Hún rifjar upp upphaf kvótakerfisins þar sem Sjálfstæðisflokkurinn var á móti.

„Árið 1990 kom sjáv­ar­út­vegs­ráð­herra Fram­sóknar hins vegar fram með frum­varp sem fól í sér var­an­lega úthlutun afla­heim­ilda og frjálst fram­sal þeirra. Þetta var stóra kerf­is­breyt­ing­in,“ skrifar Þor­gerður:

„En þegar hér var komið við sögu sat vinstri stjórn í land­inu með aðild Alþýðu­banda­lags­ins. Sam­hliða frum­varp­inu um ótíma­bundna úthlutun kvóta og frjálst fram­sal lagði stjórnin fram frum­varp um Þró­un­ar­sjóð sjáv­ar­út­vegs­ins. Hug­myndin með honum var að koma á póli­tískri fyr­ir­greiðslu­stofnun til þess að halda fyr­ir­tækjum gang­andi, sem ekki stóð­ust almenn rekstr­ar­skil­yrð­i.“

Þorgerður Katrín segir andstöðuna við kvótakerfið hafa verið harða innan raða VG og fyrir kosningarnar 2017 hafi það verið stefna VG að hækka auð­linda­gjöld og tíma­binda veiði­heim­ild­ir.

„Undir for­ystu ráð­herr­anna Katrínar Jak­obs­dóttur og Svan­dísar Svav­ars­dóttur í núver­andi rík­is­stjórn hafa þing­menn VG aftur á móti ítrekað fórnað þeim mál­stað fyrir ein­hverja aðra hags­muni sem fæstum eru sýni­leg­ir,“ skrifar hún.

„Þær Katrín Jak­obs­dóttir og Svan­dís Svav­ars­dóttir hafa fórnað hug­sjón­inni fyrir ráð­herra­stóla í fjögur ár á síð­asta kjör­tíma­bili og lofað í stjórn­ar­sátt­mála að gera það í önnur fjögur ár. Þessi póli­tík Vinstri grænna er speg­il­mynd þess sem við höfum fengið að fylgj­ast með í Ver­búð­ar­þátt­un­um.“