Þor­gerður Katrín: Munu kosningarnar í haust snúast um þetta? –„Hún vís­vitandi sleppir þeim“

„Ef Al­þingi breytir ekki frum­varpi VG er ljóst um hvað næstu kosningar munu snúast. Þá fær þjóðin tæki­færi til að tryggja virka þjóðar­eign og rétta hlut sinn – eða festa í sessi ó­breytt á­stand.“

Þetta segir Þor­gerður Katrín Gunnars­dóttir, for­maður Við­reisnar, í að­sendri grein í Frétta­blaðinu í dag. Grein Þor­gerðar ber yfir­skriftina Reyk­skynjari án raf­hlaðna en í henni segir hún það hafa verið lær­dóms­ríkt að taka þátt í vinnu formanna allra stjórn­mála­flokka um breytingar á stjórnar­skrá.

„Á köflum var vinnan vönduð, jafn­vel skemmti­leg þótt dapur­leikinn hafi ein­kennt síðustu daga vinnunnar. Þegar blá­kaldur veru­leiki og hags­muna­pólitík stjórnar­heimilisins spilaði sterkar inn í vinnuna.“

Þor­gerður segir að í upp­hafi hafi verið sam­mælst um að ræða af­mörkuð svið stjórnar­skrárinnar og að um hvert og eitt yrði flutt sér­stakt þing­mál, annað hvort með breiðri sátt eða auknum meiri­hluta.

„Á­kvæði um fram­sal og þjóðar­at­kvæða­greiðslur hunsaði for­maður VG þrátt fyrir sam­komu­lag um annað og leit al­ger­lega fram hjá skýrum vilja al­mennings um jöfnun at­kvæðis­réttar. Eitt­hvað sem ætti ekki að koma á ó­vart en lengi skal manninn reyna.“

Þor­gerður kveðst samt sem áður hafa tekið þátt í vinnunni og lýsti yfir að hún gæti auð­veld­lega verið sam­mála þing­málum sem snerta ís­lenskuna, um­hverfis­mál og for­seta­kaflann um­talaða.

„Auð­linda­á­kvæði formanns VG gat ég hins vegar ekki með nokkru móti stutt meðan ekki væri ætlunin að virkja þjóðar­eignina. Ef ekki á að breyta neinu og festa frekar í sessi rétt út­gerða yfir fisk­veiði­auð­lindinni er best að segja það hreint út. Hér gæti orðið ó­aftur­kræft tjón. Í stjórnar­skrá verða sett fal­leg orð um þjóðar­eign sem hvorki breytir né treystir rétt þjóðarinnar yfir auð­lindum sínum.“

Þor­gerður bendir á að á­kall þjóðarinnar eftir sam­ráði hafi verið um virka og raun­veru­lega þjóðar­eign en ekki sýndar­mennsku. Um sé að ræða ó­ska­til­lögu í­halds­flokkanna sem undir­strikar ræki­lega til hvers sitjandi ríkis­stjórn var stofnuð.

„For­sætis­ráð­herra ætlar að selja þjóðinni að setja upp öryggis­tæki um allt hús en lætur ekki raf­hlöðurnar fylgja með. Hún vís­vitandi sleppir þeim. Veitir falska öryggis­kennd. Þetta er ekki bara ó­endan­lega dapurt heldur stór­hættu­legt út frá hags­munum heildarinnar. Ef Al­þingi breytir ekki frum­varpi VG er ljóst um hvað næstu kosningar munu snúast. Þá fær þjóðin tæki­færi til að tryggja virka þjóðar­eign og rétta hlut sinn – eða festa í sessi ó­breytt á­stand.“