Þor­gerður í Fjarðar­kaup þegar maðurinn stoppaði hana og lýsti á­hyggjum sínum

„Ég skaust með grímuna út í Fjarðar­kaup um daginn. Einu sinni sem oftar. Þegar ég kem að kjöt­borðinu stoppar maður mig með glað­sinna augu og grímuna á sínum stað og spyr hvernig það sé að vera á þingi á þessum tímum.“

Þetta segir Þor­gerður Katrín Gunnars­dóttir, for­maður Við­reisnar, í pistli á vef Vísis. Í grein sinni gerir hún út­göngu­bann, sem kveðið er á um í nýju frum­varpi heil­brigðis­ráð­herra, að um­tals­efni. Maðurinn sem stoppaði Þor­gerði við kjöt­borðið lýsti ein­mitt á­hyggjum sínum af þessu.

„Þótt margt sé skrýtið á Al­þingi, líkt og á öðrum vinnu­stöðum, segi ég honum að mér finnist þing­menn allra flokka, sem starfs­fólk leggi sig fram. Þing­menn séu að vanda sig, svona oftast nær þótt það þýði ekki endi­lega að allt sé í lagi. Þessi maður sagðist lítið erindi hafa annað en að á­rétta tor­tryggni sína þegar kæmi að út­göngu­banninu, sem ríkis­stjórnin hefði boðað að gera að lögum. Eins og það væri verið að smygla inn ein­hverju skrýtnu á þessum tímum. Að því búnu kvaddi hann vin­sam­lega og ég kláraði kaupin.“

Þor­gerður segir að þetta sé ekki eini ein­stak­lingurinn sem hefur komið að máli við hana og rætt til­lögu ríkis­stjórnarinnar um að setja heimildar­á­kvæði um út­göngu­bann. Þor­gerður segir að á­hyggjurnar séu eðli­legar og þeim beri að taka al­var­lega.

„Sjálf sé ég ekki knýjandi þörf á að setja svona í­þyngjandi á­kvæði í lög þegar meira en þokka­lega hefur gengið að berjast við veiruna, með þeim tólum og tækjum sem nú eru í gildandi lögum. Al­menningur hefur staðið sig vel í stórum dráttum sam­kvæmt nú­gildandi lögum undir for­ystu sótt­varnar­yfir­valda.“

Hún segir að svona af­drifa­ríkt og þung­bært úr­ræði þarfnist yfir­vegunar og gaum­gæfi­legrar skoðunar því um sé að ræða meiri­háttar inn­grip.

„Það er sjálf­sagt að ræða þetta en að setja slíkt á­kvæði í miðjum far­aldri er kannski ekki besti tíminn þegar varnar­múr per­sónu­frelsis er hvað veikastur fyrir.“

Þor­gerður er þeirrar skoðunar að frum­varpið hafi farið heldur ó­á­reitt í gegnum stjórnar­flokkana þrátt fyrir alla „frelsi­s­postulana“ þar. Er það mat Þor­gerðar að til­lögunni þurfi að breyta.

„Ef sér­fræðingar telja slíkt á­kvæði um út­göngu­bann nauð­syn­legt í lögum, á­kvæði sem er stór­kost­legt inn­grip inn í ein­stak­lings­frelsið, þá verður að tryggja að því verði aldrei beitt án að­komu Al­þingis. Aldrei. Lög­gjafar­þingið hefur sýnt að þegar miklir hags­munir eru undir er það fljótt til. Nægir að benda á neyðar­lögin í því efni. Engin á­stæða er að gera annað en miklar kröfur til stjórn­valda ef beita á út­göngu­banni. Annað væri ógn við sam­fé­lags­gerðina, lýð­ræði okkar og frelsi.“