Þórður Snær Júlíusson, ritstjóri Kjarnans, er allt annað en sáttur með fréttaflutning Morgunblaðsins í dag er hann gagnrýnir fréttaflutning blaðsins um matarúthlutun.
„Morgunblaðið með umfjöllun um hvað stærsti einstaki eigandi blaðsins, Kaupfélag Skagfirðinga, er góður við fátækt fólk án þess að geta eigendatengsla. Þarna kemur líka fram að það eigi að stofna matarbanka fyrir fátækt fólk með næstum útrunninn mat,“ skrifar Þórður á Twitter í dag og deilir mynd af fréttasíðu Morgunblaðsins.
1/3 Þráður. Morgunblaðið með umfjöllun um hvað stærsti einstaki eigandi blaðsins, Kaupfélag Skagfirðinga, er góður við fátækt fólk án þess að geta eigendatengsla. Þarna kemur líka fram að það eigi að stofna matarbanka fyrir fátækt fólk með næstum útrunninn mat. pic.twitter.com/fb3dy4aMTj
— Þórður Snær Júlíusson (@thordursnaer) February 10, 2022
„Það á ekki að vera hlutverk Kaupfélags að tryggja fólki í 376 þúsund manna mökkríku landi nánast útrunninn mat svo það svelti ekki. Ríkið á að láta fólkið fá inneignarkort sem sótt yrði um stafrænt, ekki að láta það standa í röð til að borða, og tapa mannvirðingu um leið,“ skrifar Þórður sem segir fyrirkomulagið galið.
„Þetta eru ekki stórar fjárhæðir í neinum skilningi og galið að sedda viðkvæmustu hópa samfélagsins sé einkavætt fyrirbæri, sem hangi á gjöfum á afgangsmat stærstu framleiðenda í þessu fákeppnis- og einokunarkerfi okkar. Fátækt fólk à líka að velja hvað er í matinn,“ skrifar Þórður að lokum
