Þórður Snær Júlíusson, ristjóri Heimildarinnar, er ekki sáttur með kollega sína á Viðskiptablaðinu fyrir að hafa notað orðið sáðlát í skoðanagrein um fylgi Samfylkingarinnar.
Netverjar hafa verið æfir yfir skoðanadálknum síðustu daga en þar er talað um að fylgi Samfylkingarinnar samkvæmt skoðanakönnunum gæti verið að ná hæstu hæðum of snemma þar sem um þrjú ár er í kosningar.
Viðskiptablaðið ákvað að draga í land og hefur nú breytt nafni greinarinnar úr „ótímabært sáðlát“ í „ótímabæran fögnuð.“ Þá hefur einu setningunni þar sem orðið sáðlát kom fram einnig verið breytt en hún hljóðaði áður svona:
„Jafnaðarmenn virðast þó enn einu sinni hafa fengið ótímabært sáðlát. Við skulum ekki gleyma því að Samfylkingin og fleiri stjórnarandstöðuflokkar hafa inn á milli náð afar lofandi árangri í skoðanakönnunum án þess að slíkt skili sér í kjörkassann.“
En hljóðar nú svona.
„Jafnaðarmenn virðast þó enn einu sinni hafa fagnað of snemma. Við skulum ekki gleyma því að Samfylkingin og fleiri stjórnarandstöðuflokkar hafa inn á milli náð afar lofandi árangri í skoðanakönnunum án þess að slíkt skili sér í kjörkassann.“
Þórður Snær er allt annað sáttur með þessa orðanotkun og þegar það kemur að vonarstjörnu Samfylkingarmanna og lætur Viðskiptablaðið heyra það.
„Litlir kallar að gera það sem litlir kallar gera. Skíta upp á bak og vona að skíturinn hverfi vegna þess að þeir láta eins og sé ekki þarna. En lyktina finna allir. Ágætt að þessi vettvangur minnstu nafnlausu kallanna opinberi sig aftur og aftur og aftur fyrir það sem hann er,“ skrifar Þórður.
Ragna Sigurðardóttir, varaborgarfulltúri Samfylkingarinnar, fagnar tísti Þórðar og nafngreinir alla blaðamenn Viðskiptablaðsins undir tístinu.
Litlir kallar að gera það sem litlir kallar gera. Skíta upp á bak og vona að skíturinn hverfi vegna þess að þeir láta eins og sé ekki þarna. En lyktina finna allir. Ágætt að þessi vettvangur minnstu nafnlausu kallanna opinberi sig aftur og aftur og aftur fyrir það sem hann er. pic.twitter.com/UY8ZdymwAH
— Þórður Snær Júlíusson (@thordursnaer) January 16, 2023
