Þórdís Kolbrún Reykfjörð Gylfadóttir, utanríkis- og þróunarsamvinnuráðherra, er með Covid-19 um þessar mundir eftir að hún og allir fjölskyldumeðlimir hennar greindust í gær. Þau eru þó öll einkennalaus og fullfrísk og hefur Þórdís því unnið úr einangrun.
Á Facebook síðu sinni greinir hún frá því að hún hafi ýmislegt að gera í einangrun. Eins og taka upp og senda yfirlýsingu á ráðstefnur í New York um endurskoðun á samningnum um bann við dreifingu á kjarnavopnum (Nuclear Non-Proliferation Treaty).
„Börnin höfðu hljótt á meðan á aðgerðinni stóð og Ronja kisi lét það vera að rölta a lyklaborðið eins og hún er vön,“ skrifar Þórdís.
