Þóra Arnórsdóttir, fyrrverandi ritstjóri fréttaskýringarþáttarins Kveiks á Rúv var yfirheyrð af lögreglu á þriðjudag vegna gruns um brot gegn lögum um friðhelgi einkalífs í tengslum við umfjöllun um skæruliðiadeild Samherja.
Þetta kemur fram í Morgunblaðinu. Þóra segist enn vera með réttarstöðu sakbornings í málinu. Hún gerir ráð fyrir því að það sé stutt í málinu verði lokað af lögreglunni.
„Þetta var stutt og tiltölulega vandræðalegt. Lögmaðurinn minn bókaði sterk mótmæli yfir því hversu langan tíma þetta hefði tekið, enda bryti það í bága við sakamálalög. En ég geri ráð fyrir því að þessu ljúki mjög fljótlega,“ segir Þóra í samtali við Morgunblaðið.
