Þing­maðurinn fór á Esjuna í fyrsta skipti í dag

„Ein­hvern tímann er allt fyrst. Kannski ætti maður ekki að viður­kenna það en í dag gekk ég í fyrsta sinn upp Esjuna.“

Þetta segir Ágúst Ólafur Ágústs­son, þing­maður Sam­fylkingarinnar, í færslu á Face­book. Þar birtir hann mynd af sér á Esjunni en eins og að framan greinir hafði þing­maðurinn, sem er 43 ára, ekki farið á Esjuna áður. Ágúst er þing­maður í Reykja­víkur­kjör­dæmi suður.

„Eitt sinn lofaði ég kjós­endum betra veðri, sem hlýtur að vera há­mark kosninga­lof­orða. Það lof­orð var hins vegar háð um­fangs­mikilli skóg­rækt upp alla Esjuna sem myndi víst bæta veðrið í borginni að mati sér­fræðinga. Burt­séð frá allri skóg­rækt gat veðrið annars ekki verið betra í dag,“ segir Ágúst Ólafur.