Þing­maður Mið­flokksins frétti af samtali 10 ára drengja: „Fyrst velur þú þér port­konu til að sænga hjá“ – Síðan er hún drepin

Una María Óskars­dóttir, vara­þing­maður Mið­flokksins, var máls­hefjandi um bætt upp­eldi, leið til for­varna og lýð­heilsu í þinginu í morgun. Una María sagði fjöl­miðla allt­of oft færa al­menningi fréttir af van­líðan, heimilis­of­beldi og eitur­lyfja­neyslu ungs fólks. Þá rifjaði hún upp hrotta­lega hópá­rás í Kópa­vogi. Una María spurði hvað væri hægt að gera og hverju sætti að ung­menni höguðu sér með þessum hætti. Spurði Una María hvort ein skýringin á of­beldis­hegðuninni ætti rætur sínar að rekja til fyrir­mynda sem „birtast í um­hverfinu“ og skapa sjálfs­mynd fólks. Una María sagði:

„For­eldrar og kennarar, fjöl­miðlar, per­sónur úr bíó­myndum og tölvu­leikir geta einnig haft á­hrif.“

Una María sagði manns­hugann ó­skrifað blað við fæðingu og reynslan mótaði ein­stak­linginn. Ill­skan væri ekki til staðar við fæðingu og það væri sam­fé­lagið sem gerði fólk vont. Bætti Una María við að mikil­vægast væri að upp­eldið væri á á­byrgð for­eldra, ekki skóla­kerfisins. Þá sagði Una María að tölvu­leikir og kvik­myndir ættu stóran þátt í hegðun barna. Una María sagði:

„Í gær heyrði ég sögu um níu til tíu ára drengi sem höfðu fengið að valsa greini­lega í of­beldis­tölvu­leikjum og ljótur tals­máti þeirra var farinn að berast um bekkinn. Með leyfi for­seta vil ég um­orða þau hryllings­orð sem þeir létu falla og mín orð eru þessi:

„Fyrst velur þú þér port­konu til að sænga hjá, síðan velur þú um nokkrar leiðir til að taka hana af lífi.“

Þið getið rétt í­myndað ykkur hver orðin voru í raun.“

Þá vildi Una María að fram­hald yrði á hug­mynd Sig­mundar Davíðs Gunn­laugs­sonar, formanns Mið­flokksins, en í for­sætis­ráð­herra­tíð hans var stofnuð sér­stök ráð­herra­nefnd um lýð­heilsu. Þá var stofnuð lýð­heilsu­nefnd sem átti að vinna að drögum um heild­stæða stefnu­mótun og að­gerðar­á­ætlun sem hafði það að mark­miði að efla og bæta lýð­heilsu á öllum aldurs­skeiðum með sér­stakri á­herslu á börn og ung­menni.

Þór­hildur Sunna Ævars­dóttir kvað sér hljóðs og svaraði Unu Maríu. Sagði Þór­hildur Sunna að það væri góðra gjalda vert að hugsa um lýð­heilsu barna en setti spurningar­merki við að Sig­mundur Davíð ætti að vera leiðar­ljós for­eldra þegar kemur að upp­eldi. Þór­hildur Sunna sagði:

„Mér eru enn minnis­stæð orð hans í Krydd­síldinni á síðasta ári þar sem hann gat ekki hugsað sér að börn fræddu for­eldra sína um lofts­lags­breytingar. Þessu ætti að vera öfugt farið, for­eldrar ættu að fræða börn sín og búið, burt­séð frá því að að­gerðar­leysi for­eldra ógnar fram­tíð barnanna.“

Þá sagði Þór­hildur Sunna á öðrum stað í ræðu sinni:

„Það er góðra gjalda vert að hugsa um lýð­heilsu barna en ég get ekki sagt að hátt­virtur þing­maður, Sig­mundur Davíð, ætti að vera leiðar­ljós for­eldra í upp­eldinu, með sínar forn­eskju­legu hug­myndir um barna­upp­eldi.“