Samkomubann hefst hér á landi eftir helgi vegna útbreiðslu COVID-19. Svandís Svavarsdóttir heilbrigðisráðherra sagði að samkomubannið muni taka gildi aðfaranótt mánudags. Þetta á við um samkomur þar sem hundrað manns eða fleiri koma saman. Bannið gildir í fjórar vikur.
Þetta er það helsta sem kom fram á blaðamannafundinum fyrr í dag.
Hvenær?
Svandís Svavarsdóttir heilbrigðisráðherra sagði samkomubannið taka gildi aðfaranótt mánudags 15. Mars næstkomandi. Það stendur yfir í fjórar vikur til að byrja með.
Hvaða reglur?
Á við um samkomur þar sem hundrað manns eða fleiri koma saman.
Áhrif
Mikil áhrif á skólakerfið. Gert ráð fyrir að formlegu skólastarfi í framhalds- og háskólum ljúki tímabundið og kennslu verði sinnt með fjarkennslu. Útfærslu verður hrint í framkvæmd strax í dag í samstarfi við kennaraforystuna.
En leikskólarnir?
Lilju Alfreðsdóttur menntamálaráðherra sagði starf leikskóla- og grunnskóla verða heimilt að ákveðnum skilyrðum uppfylltum. Mælt er með að hafa börn í sem minnstum hópum og aðskilja eins og hægt er.
Gildir bannið alls staðar?
Svandís Svavarsdóttir sagði að bannið ætti ekki við um Leifsstöð og ekki heldur um alþjóðahafnir eða alþjóðaflugvelli.
En verslanir?
Verslanir eru ekki undanskildar banninu. Þórólfur Guðnason sóttvarnarlæknir sagði að takmarkanir yrðu væntanlega settar um hversu margir geta verið inn í hverri verslun í einu.
Verður gæsla?
Katrín Jakobsdóttir sagði að lögregla muni ekki standa vörð fyrir utan verslanir heldur væri treyst á að fólk færi eftir þeim tilmælum sem giltu.
Viðburðir
Þá kom fram á fundinum að takmarkanirnar gilda um sundstaði, líkamsræktarstöðvar, tónleika- og íþróttaviðburði. Sem dæmi hefur Þjóðleikhúsið stöðvar sýningar í leikhúsinu.
