Hanna Björg Vilhjálmsdóttir, kynjafræðikennari og baráttukona, spyr sig spurninga á samfélagsmiðlinum Twitter um helgina vegna sigurs systranna í Söngvakeppninni og ósigurs Reykjavíkurdætra.
Færsla Hönnu hefur vakið mikla athygli. „Þetta tap Reykjavíkurdætra hefur ekkert að gera með feminisma - er það?“ spyr Hanna.
Hún bætir því næst við að auðvitað sé frábært að lag eftir konu hafi unnið, það sé í flutningi kvenna og lagið gott lag. Reykjavíkurdætur hinsvegar hafi „sterkan femíniskan boðskap sem hefði verið frábært að láta hljóma um alla Evrópu - ekki veitir af.“
Færslan vekur mikla athygli og umtal. Inga Auðbjörg Straumland, hjá Siðmennt, svarar Hönnu og ljóst að henni finnst lítið til koma.
„Nennirðu ekki að vera að leggja okkur sem kusum Systurnar eitthvað agenda í munn. Fullt af femínisma í lagi sem fjallar um að vera leyst úr vistarbandi, samið af konu og flutt framúrskarandi vel af konum. Reykjavíkurdætur voru stórkostlegar en af tveimur góðum völdu mörg annað.“
Hanna svarar og segir að í allri einlægni þá hafi þetta bara verið vangavelta hjá sér. „Boðskapur Rvkdtr var róttækari - um það er varla deilt og í því samhengi spyr ég hvort það sé ástæða þess að niðurstaðan varð þessi. Mér sýndist úrslitin koma mörgum á óvart og þá má kannski spyrja.“
Þá blandar blaðamaðurinn Jakob Bjarnar Gretarsson sér í umræðuna, deilir tísti Hönnu og skrifar, í því sem er ljóst að er mikil hæðni.
„Sjúkur glæpaheili Feðraveldisins er óútreiknanlegur. Hann fær Lay Low (af öllum) til að semja lag í Júróið, fær 3 systur til að flytja það í musteri kvenhyggjunnar RUV allt til að koma lævísu neðanbeltishöggi á femínismann.“
Nennirðu ekki að vera að leggja okkur sem kusum Systurnar eitthvað agenda í munn. Fullt af femínisma í lagi sem fjallar um að vera leyst úr vistarbandi, samið af konu og flutt framúrskarandi vel af konum. Reykjavíkurdætur voru stórkostlegar en af tveimur góðum völdu mörg annað.
— Þétt-Ingu byggðar (@ingaausa) March 13, 2022
Sjúkur glæpaheili Feðraveldisins er óútreiknanlegur. Hann fær Lay Low (af öllum) til að semja lag í Júróið, fær 3 systur til að flytja það í musteri kvenhyggjunnar RUV allt til að koma lævísu neðanbeltishöggi á femínismann. https://t.co/nSx3QWZOLi
— Jakob Bjarnar (@JakobBjarnar) March 12, 2022
