Söngkonan Birgitta Haukdal mætti í viðtal á K100 á dögunum þar sem 20 ár eru síðan tímamótaplatan „Allt sem ég sé“ með Írafár kom út.
Í viðtalinu rifjar Birgitta upp gamla tíma og hvernig árið 2002 var þegar platan kom út áður en hún í persónuleikapróf Síðdegisþáttarins á K100
Þar var Birgitta meðal annars spurð af þáttastjórnendum hvaða ráðleggingar hún myndi gefa sjálfri sér þegar hún 22 ára.
„Ég held að allir tónlistarmenn – við eigum þetta sameiginlegt – þar sem maður fer í eitthvað brjálæði og rússíbanareið þegar maður er ungur og er til í þetta. Svo er rosa gott að vera búin með þetta og að fara í eitthvað annað. Þetta tekur alveg á líka,“ sagði Birgitta sem sagðist þóað hún myndi allan daginn ráðleggja hinni rúmlega tvítugu Birgittu að fara þessa leið aftur en þó að „fara kannski aðeins betur með sig“, „segja ekki já við öllu“ og „sofa meira,“ sagði Birgitta.
Hægt er að hlusta á viðtalið hér.
