Steingrímur J. Sigfússon var fyrst kjörinn á þing fyrir Alþýðubandalagið í þingkosningunum 22. apríl 1983. Hann hefur setið í 37 ár á þingi samfellt. Enginn núverandi þingmaður hefur setið jafn lengi og margir þeirra voru ekki einu sinni fæddir þegar Steingrímur settist fyrst á þing. Árið 2016 tóku tveir blaðamenn DV saman nokkra fróðleiksmola frá því ári er núverandi forseti þingsins, kom sér fyrir í Alþingishúsinu, þá yngstur allra þingmanna.
Þess má geta að Steingrímur var í forsíðuviðtali við Helgarpóstinn árið 1983, þá 27 ára gamall. Þá hafði Steingrímur þetta að segja:
„Það ætti enginn að vera lengi á þingi í einu. Menn ættu að taka sér hvíld, þegar þeir eru orðnir þreyttir. Mér finnst þingmenn vera fljótir að vera gamlir og þreyttir. Þeir eldast illa.“
En skoðum nú hvað var að gerast árið þegar Steingrímur J. settist á þing:
Star Wars: Return of the Jedi var frumsýnd:
Ríkissjónvarpið sendi út í fyrsta skiptið í júlímánuði
NES á markað Japanska fyrirtækið Nintendo setti fyrstu leikjatölvu sína, Nintendo Entertainment System (NES) á markað í heimalandinu
Enn var ár í að Motorola setti fyrsta farsímann, DynaTAC 8000X, á markað. Hann kostaði 3.995 dali árið 1984. Það tók 10 tíma að hlaða hann.
Nýtt líf var frumsýnd í Vestmannaeyjum við rífandi undirtektir
Svona leit „The Lisa“ út. Heimilistölvan sem Apple setti á markað í ársbyrjun 1983.
Alþingi lögfesti Lofsöng („Ó Guð vors lands“) sem þjóðsöng Íslendinga!
Steingrímur lifði líka Kvennalistann af. Hann var stofnaður 13. Mars og hætti fyrir löngu að nafninu til að vera til.
Michael Jackson kynnti „tunglgönguna“ til sögunnar í sjónvarpsþætti vegna 25 ára afmælis Motown-útgáfunnar.
Hugsaðu þér, Andrés Önd kom fyrst út á íslensku það ár. Fram að því höfðu Íslendingar lesið Andrés á dönsku.
Þorsteinn Pálsson var kjörinn formaður Sjálfstæðisflokksins. Hann var lengi í pólitík. Þorsteinn hætti í Sjálfstæðisflokknum fyrir margt löngu og hefur fyrir nokkru gengið í annan flokk. Já, tíminn líður.
Mikligarður var opnaður í Holtagörðum. Verslunin varð gjaldþrota árið 1993. Steingrímur er hins vegar en að og malar gull á þingi með um tvær milljónir í laun á mánuði og fær veglegan húsnæðisstyrk.
Í lok árs árið sem Steingrímur settist á þing, 28. desember tók Vogur áfengismeðferðarstöð SÁÁ til starfa.
