Í dag var greint frá því að einkaþjálfarinn Arnar Grant og fyrrverandi eiginkona hans, Kristín Hrönn Guðmundsdóttir, hefðu sett glæsihýsi sitt við Súlunes á Arnarnesi á sölu.
Um er að ræða 232,3 fermetra einbýlishús „á rólegum og eftirsóttum stað með sjávarútsýni“.
Í umfjöllun Fréttablaðsins um málið var fjallað um verðið á húsinu.
Fasteignamat hússins er 119,7 milljónir króna og brunabótamat er 145,65 milljónir króna. Arnar og Kristín keyptu húsið á sínum tíma á 72 milljónir, en þá var fasteingamat 61,1 milljón.
Fréttablaðið hafði samband við tvö löggilda fasteignasala og spurði út í eignina. Annar þeirra taldi líklegt að hún væri um það bil 200 milljóna virði og hinn giskaði á 225 milljónir króna.
Arnar og Kristín gætu því grætt rúmlega 150 milljónir á að selja eignina.
Hægt er að lesa nánar um málið og sjá myndir af húsinu á vef Fréttablaðsins.
