Tvær konur á fertugsaldri og ellefu mánaða gamalt stúlkubarn létust í bílslysi við Núpsvötn í desember árið 2018. Rannsókn hefur leitt í ljós að konurnar voru ekki í bílbelti og að stúlkan hafi ekki verið í barnabílstól.
Í niðurstöðum skýrslu rannsóknarnefndar samgönguslysa segir þá að ökumaður bílsins hafi ekið yfir hámarkshraða. Hann hafi verið á 114 km/klst en þá var hámarkshraðinn á brúnni 90 km/klst. Nú hefur hann verið lækkaður í 50 km/klst.
Ökumaðurinn missti stjórn á bílnum þegar hann fór inn á einbreiða brú sem var ísilögð. Hann fór þá utan í vegriðið hægra meginn sem gaf undan.
Áfengis- og lyfjaprófanir á ökumanni bifreiðarinnar gáfu ekki til kynna notkun lyfja eða vímuefna. Alls voru sjö manns í bílnum en farþegarnir voru ferðamenn af breskum uppruna.
Í skýrslunni segir þá að brúin yfir Núpsvötn standist ekki núverandi staðla.
