Þættir Lóu Pindar gera allt vit­laust: „Mér fannst þetta alveg glataðir þættir“

Fjörugar um­ræður fara nú fram í hinum fjöl­menna Face­book-hópi, Vegan Ís­land, vegna þáttanna Kjöt­ætur óskast! sem sýndir hafa verið á Stöð 2. Loka­þátturinn var sýndur í gær­kvöldi en í þættinum er fylgst með fjórum fjöl­skyldum sem prófa að gerast vegan í einn mánuð.

Lóa Pind tók einnig þátt í þáttunum en eins og Hring­braut greindi frá í morgun gafst hún upp að þessum fjórum vikum liðnum. Sagðist Lóa hafa þurft að neita sér um flest það sem henni þykir best.

„Vantaði þriðju víddina. Fannst eins og vélindað væri að þorna upp. Ég hef upp­lifað svona vélinda­þornun áður - þegar mig hefur vantað eitt­hvað af eftir­­töldu í hina hei­lögu þrenningu: Nauta­kjöt + rauð­vín + kók light,“ sagði Lóa meðal annars þegar hún gerði upp þættina á Face­book-síðu sinni í gær­kvöldi.

Vala Árna­dóttir, fram­kvæmda­stýra Sam­taka græn­kera á Ís­landi, deilir frétt Hring­brautar í grúppunni og segir:

„Öööööö veit Lóa Pind ekki að Coke Light og flest rauð­vín eru vegan? Amk. Þau rauð­vín sem eru góð. Voða­lega er þetta þunnur þrettándi.“

Júlía Sif Lilju­dóttir, Vegan­istu-systir sem meðal annars hefur gefið út mat­reiðslu­bók fyrir græn­kera, gefur þáttunum ekki háa ein­kunn.

„Mér fannst þetta alveg glataðir þættir. Bara verið að ein­blína á hvað vegan­ismi er glataður og hvað maturinn er vondur. Fengu enga hjálp nema ehv „kokka“ heim til sín eitt kvöld sem voru ekki einu sinni allir vegan. Mér finnst líka mjög skrýtið ef að Lóa var bara að grínast alla þættina með að finnast vegan svona glatað... En alla­vega illa upp sett og látið líta út fyrir að vera ó­geðs­legur matur og erfiðast í heimi að skipta yfir í vegan.“

Fleiri at­huga­semdir undir færslunni eru í svipuðum dúr. „Mér finnst magnað að gera þátt um „vegan­isma“ en vita samt ekki hvað vegan­ismi er. Ýtir enn frekar undir rang­hug­myndir al­mennings um að vegan­ismi sé matar­æði,“ segir til dæmis í einni.

Þá segir í annarri at­huga­semd: „Þetta var bara ein­hver alls­herjar mis­skilningur efnis­tökin í þessum þætti. Fannst bara yfir­höfuð gert lítið úr vegan­isma og Vegan­búðin sem sponsor var ekki að fá það sem var örugg­lega lagt upp með. Ekkert um vel­ferð dýra, bara dýrafret, hvað allt er mikið ógeð, erfitt og heilsu­spillandi.“