„Það verður rosa­lega skrýtið að vakna á morgnana og þurfa ekki að hugsa um co­vid“

Hjör­dís Guð­munds­dóttir hefur tekið við sem sam­skipta­stjóri al­manna­varna­deildar ríkis­lög­reglu­stjóra. Hún hefur starfað á deildinni undan­farna mánuði við upp­lýsinga­miðlun með Jóhanni K. Jóhanns­syni sem ráðinn var tíma­bundið en hann hverfur til fyrri starfa.

Jóhann mun snúa aftur til starfa á fréttastofu Stöðvar 2 en hann var í tímabundnu leyfi frá störfum sem átti bara að vera í sex mánuði. Þróun faraldursins leiddi hins vegar til þess að almannavarnadeild ríkislögreglustjóra fékk að hafa Jóhann að láni lengur en til stóð.

Í samtali við Fréttablaðiðsegir Jóhann að það verði afskaplega skrýtið að byrja vinnudaginn á því að hugsa um aðra hluti en COVID-19.

„Það verður rosa­lega skrýtið að vakna á morgnana og þurfa ekki að hugsa um co­vid. Það verður lík­legast mesta breytingin,“ segir Jóhann léttur. „En eðli­lega mun ég ekki fjalla um á­kveðin mál,“ bætir hann við.

Í til­kynningu frá al­manna­varna­deild er Jóhanni þökkuð fyrir góð störf og óskað vel­farnaðar á sínum vett­vangi.