Tekju­lægstir, stuðningsfólk VG og Reyk­víkingar vilja ríkis­stjórnina burt

Tekju­lægstir og Reyk­víkingar eru þeir tveir hópar sem helst vilja nú­verandi ríkis­stjórn Vinstri-grænna, Fram­sóknar og Sjálf­stæðis­flokks burt. Tæp 58 prósent Reyk­víkinga vilja hana burt en tæp 70 prósent úr hópi tekju­lægstra, það er með tekjur undir 400 þúsund krónum á mánuði.

Þetta er meðal þess sem fram kemur í nýrri skoðana­könnun Maskínu sem fram­kvæmd var fyrir frétta­stofu Stöðvar 2, Vísis og Bylgjunnar. At­hygli vekur að í­búar í ná­granna­sveitar­fé­lögum Reykja­víkur, sem og í­búar á Suður­landi og Reykja­nesi eru hlynntastir ríkis­stjórnar­sam­starfinu, eða rétt tæp­lega 53 prósent á báðum svæðum.

Þá eru svar­endur með næst­hæstu tekjurnar, mánaðar­tekjur á bilinu ein milljón til 1,199 milljónir já­kvæðastir en tæp 55 prósent þeirra vilja ríkis­stjórnina á­fram á næsta kjör­tíma­bili. Stuðnings­menn Vinstri-grænna eru nei­kvæðastir í garð stjórnar­sam­starfsins af stuðnings­mönnum flokkanna þriggja.

Að­eins 29 prósent stuðnings­manna VG vill ríkis­stjórnina á­fram. 88 prósent sjálf­stæðis­manna vill hana á­fram og 82 prósent fram­sóknar­manna. Alls vilja 46,4 prósent kjós­enda ríkis­stjórnar­sam­starfið á­fram en 53,6 prósent eru á móti því. Konur eru að­eins hlynntari því en karlar.