„Tæki­færis­mennska, sem allir eru farnir að sjá í gegnum, skaðar flokkinn mest til lengri tíma“

Brynjar Níels­son, þing­maður Sjálf­stæðis­flokksins, segir Sam­fylkinguna í frjálsu falli og segir að fylgis­tap hennar í skoðana­könnunum hljóti að vera ein­hvers­konar met. Þar segir hann tæki­færis­mennsku það sem skaði flokkinn helst.

Þetta kemur fram í nýrri Face­book færslu Brynjars. Þar skýtur hann föstum skotum að Rósu Björk Brynjólfs­dótturog Jóhanni Páli Jóhanns­syni,nýjum fram­bjóð­endum Sam­fylkingarinnar.

„Margir hafa um kennt klúðurs­legri upp­stillingu á lista flokksins í Reykja­vík. Það geti aldrei leitt til góðs að stilla ofar­lega á lista flótta­manni frá Vg sem alltaf er með krepptan hnefa í vasa og síðan blaða­manni frá Stundinni sem aldrei hefur lagt neitt gott til og eina á­stæðan fyrir að hann dregur andann er and­úð og hatur á Sjálf­stæðis­flokknum. Ein­kennandi fyrir störf þeirra beggja er hags­muna­gæsla fyrir aðra en þá sem byggja þetta land,“ skrifar Brynjar.

Hann segist ekki halda að innan­flokks­á­tök og upp­stillingar­klúður sé megin­á­stæðan fyrir fylgis­tapinu. Nefnir hann tæki­færis­mennsku.

„Sem allir eru farnir að sjá í gegnum, skaðar flokkinn mest til lengri tíma. Í stað þess að tala fyrir stefnu sinni endur­ómar Sam­fylkingin það sem hún telur vin­sælast á sam­fé­lags­miðlum hverju sinni þegar hún er ekki að tala um hvað aðrir eru spilltir og ó­heiðar­legir. Enginn flokkur nýtur trausts eða skapar sér trú­verðug­leika sem slíkri fram­göngu.“

Hann segir Sam­fylkinguna á tylli­dögum tala um að hún gæti hags­muna þeirra sem standa höllum fæti. Hún geri það ekki með því að tala sí­fellt niður og tor­tryggja at­vinnu­lífið.

„Flokkar sem telja að vel­gengni í at­vinnu­lífinu sé á kostnað al­mennings eiga ekkert erindi í pólitík. Fólk upp­lifir að Sam­fylkingin sé fyrst og fremst í hags­muna­gæslu fyrir RUV og þröngan hóp í mennta- og menningarelítunni, stundum kallað fræga fólkið, sem heldur að heimurinn snúist um það sjálft.“

Hann segir að lokum að það liggi ljómandi vel á sér. Hann sé bjart­sýnn á fram­tíðina, hafi mikla trú á þjóðinni. „Við þurfum bara að losna við sam­fé­lags­miðlana, þá eru okkur allir vegir færir.“