Syst­kinin frá Grindavík sem verða milljarða­mæringar

Út­gerðar­fé­lagið Vísir í Grinda­vík hefur verið selt til Síldar­vinnslunnar fyrir rúm­lega tuttugu milljarða króna. Sex syst­kini sem erfðu út­gerðar­fé­lagið Vísi eftir for­eldra sína og skipta nú með sér þessum milljörðum. Hvert þeirra fær um 3,4 milljarða króna.

Frétta­blaðið greinir frá þessu.

„Tekið skal fram að við­skiptin eru háð sam­þykki sam­keppnis­yfir­valda sem hafa málið nú til skoðunar,“ segir í frétt Frétta­blaðsins.

Páll Hreinn Páls­son og Margrét Sig­hvats­dóttir voru for­eldrar syst­kinanna en þau áttu út­gerðar­fé­lagið Vísi. Páll lést árið 2015 og Margrét árið 2012.

Margrét Páls­dóttir, fædd 6. nóvember 1955. Kennari og kór­stjóri.

Páll Jóhann Páls­son, fæddur 25. nóvember 1957. Út­gerðar­stjóri hjá Vísi í Grinda­vík.

Pétur Haf­steinn Páls­son, fæddur 6. júlí 1959. Fram­kvæmda­stjóri Vísis í Grinda­vík.

Kristín Elísa­bet, fædd 25. febrúar 1961. Leik­skóla­kennari í Grinda­vík.

Svan­hvít Dað­ey Páls­dóttir, fædd 6. desember 1964. Jóga­kennari í Grinda­vík.

Sól­ný Ingi­björg Páls­dóttir, fædd 29. júní 1970. Ljós­myndari í Grinda­vík.