Sýndu liðs­manni og vini sam­stöðu: „Ekki er hægt að koma í orð öllum þeim til­finningum sem hafa vaknað hjá okkur“

Slökkvi­liðs­menn í Aust­ur-Húna­­vatns­­­sýslu komu saman í gær og vottuðu vini sín­um og liðs­manni, Kára Kára­­syni, fjöl­­skyldu hans og „öll­um þeim sem eiga um sárt að binda“ sam­úð sína og sam­­stöðu.

Kári varð fyrir skot­á­rás á heimili sínu á Blöndu­ósi á sunnu­daginn síðasta. Eva hrund eigin­kona Kára lést í á­rásinni en Kári ligg­ur enn þungt hald­inn eft­ir skot í kviðinn.

„Slökkvi­liðs­menn Bruna­varna Austur-Hún­vetninga hittust í gær­kvöldi til að sýna Kára Kára­syni, liðs­manni okkar og vini, sam­úð og sam­stöðu á­samt fjöl­skyldu hans og öllum þeim sem eiga um sárt að binda. Ekki er hægt að koma í orð öllum þeim til­finningum sem hafa vaknað hjá okkur öllum vegna þessa hræði­lega harm­leiks en mynd segir meira en mörg orð“