Erlendur S. Þorsteinsson yfirmaður þróunarsviðs CCP tölvuleikjarisans birtir skýrslu á snjómokstri í Kópavogi kl 09:45 í morgun.
„Skýrsla frá Kópavogi. Kl. er 09:45 og snjókomu hefur linnt. Í Lindahverfi eru snjómoksturstæki að *klára* að skafa húsagötur; einungis Fjallalindin er eftir og ég er að horfa á snjómoksturstækið þar út um eldhúsgluggann,“ skrifar Erlendur.
Hann bendir á að einnig sé búið að skafa A og B Salii en ekki D+. Kórahverfið hefur verið skafið nema A.
Verið er að skafa stíga sem eru í lægri þjónustuflokki. Þetta er ströggl fyrir litla vél. pic.twitter.com/zRBi0QANB4
— Erlendur (@erlendur) December 27, 2022
Húsagatan mín hefur alltaf verið fær smábílum. Mikill munur á Kóp. og Rey. þennan veturinn.
— Erlendur (@erlendur) December 27, 2022
Tekur heila vinnuviku í Reykjavík
Á sama tíma í Reykjavík er reiknað með því að það muni taka allt að fimm daga að skafa húsagötur.
„Þetta hefur tekið 4-5 daga að klára allar húsagötur í Reykjavík og það hefur ekkert breyst, þótt að ákallið sé að klára þetta fyrr,“ segir Eiður Fannar Erlendsson yfirmaður vetrarþjónustu hjá Reykjavíkurborg í samtali viðFréttablaðið.
Hann tekur undir að þetta sé áminning að hægt sé að bæta starfsumhverfi þeirra með kaupum á fleiri tækjum.
„Við erum með öflug tæki en það þyrfti kannski fleiri tæki til að þetta myndi ganga hraðar. Það myndi hjálpa okkar starfi mikið.“
Það virðist ekki mikill skortur á tækjum í Kópavogi enda flestar götur færar snemma morguns.
A og B Salir hafa verið skafnir en ekki D+. Kórar hafa verið skafnir nema A. pic.twitter.com/LraOUNfy1E
— Erlendur (@erlendur) December 27, 2022
